我之前睇電視話由於「呃雨黎落」現象，今年會好多雨落，同埋會打多幾次風。不過有左呢件靚靚狗雨衣，打風落雨都唔駛驚啦！

我細細個就已經有一件婆婆親手做的「溫暖牌超級防風防水狗雨衣」。

件雨衣雖然超級，不過並唔係無敵的。因為佢敵唔過我「每天成長多一些」同埋「一天一點長大」的身體。媽媽已經成日講件雨衣唔夠你著喇！所以媽媽話要響「呃雨黎落」現在發生前幫我買過件新雨衣。

媽媽搵左幾間大小中型寵物店，又上過幾個寵物網，一直都未搵到岩心水的狗雨衣俾我。因為一般寵物店都好小有大狗衫賣，而且媽咪要求又多，話要包埋手手，但係又唔要包埋腳腳喎。好彩得到 Aunt Sandy 幫手，幫媽媽響「亞虎」網度搵到呢件雨衣。

成世狗第一次著褲褲，真係好唔慣，驚到我夾哂條尾尾。媽咪又話包手手唔包腳腳，點解又要著褲0既﹖

哦~~~~~原來條褲褲可以拆得架！如果唔係好大雨，可以唔駛著囉！咁都好D，唔著褲褲C服D！咁以後打風落大雨，爸爸媽媽都冇藉口唔帶我落街街啦！