身邊的同事朋友都話想買平電腦，等電腦展啦！反正我又唔係需要最新的型號，去電腦展搵下有冇平貨。
之前都去過其他的Exhibition，但係電腦展就第一次去。真係估唔到人多得咁交關，迫到行都行唔到。就好似細細個返鄉下迫過關咁。
我之前以為各大電腦品牌會有各自的Booth，原來只係將灣仔同深水埗的電腦舖迫哂落一個Hall度。所以如果要睇一個牌子，係要行好幾個檔口。但當我地行完一輪想去返之前個檔口，其實係搵唔到，同埋行唔到過去，因為實左太迫人喇！比行花市更迫！
由排隊入會展，排隊買飛，迫住咁睇野，然後排隊俾錢，排隊扲贈品，到最後真真正正離開會展，歷時4個半鐘，我覺得仲辛苦過行鳳凰山。
歷盡千山萬水，當然買到個新腦啦！呢篇日記就係紀念迎接HP的一天。
